Ang COVID-19 ay isang nakakahawang sakit na sanhi ng isang bagong coronavirus. Ito ay kumakalat sa bawat tao sa pamamagitan ng mga maliliit na patak ng likido kapag ang isang nahawang tao ay nagsalita, umubo o bumahing. Ang mga patak na ito ay maaaring pumasok sa mga bibig o ilong ng mga malapit na tao. Ang mga patak ay masyadong mabibigat upang maglakbay nang malayo sa hangin. Naglalakbay lamang sila ng halos isang metro at mabilis silang pumatong sa ibabaw ng mga iba’t ibang gamit. Ito ang dahilan na kumakalat ang sakit kapag ang mga tao ay magkalapit sa isa’t isa. Ang eksaktong oras na ang virus ay maaaring mabuhay sa mga ibabaw ng mga gamit ay hindi pa nalalaman. Kaya’t mas mabuting linisin nang regular ang mga ibabaw ng mga gamit, lalo na sa paligid ng mga taong nahawahan ng COVID-19. Hinahawakan ng mga kamay ang maraming mga ibabaw, na maaaring kontaminado ng virus. Dapat iwasan ang paghawak sa iyong mga mata, ilong, at bibig dahil ang mga kontaminadong kamay ay maaaring maglipat ng virus sa iyong sarili. Kapag umuubo o bumabahing, takpan ang iyong bibig at ilong gamit ang liko ng iyong siko o gumamit ng tisyu. Kung gumamit ng tisyu, itapon ito kaagad sa isang saradong basurahan. Ang pinaka-epektibong paraan upang maiwasan ang pagkalat ng bagong coronavirus ay ang madalas na paglinis ng kamay gamit alkohol o sabon at tubig. Aalisin nito ang virus kung ito ay nasa iyong kamay. Manatiling malusog at iwasan ang pagkalat ng COVID-19.